ياللي بمرباعـي الموعـود مهتمـه
انتي مطر صيف لا رحتي ولا جيتـي
رحلت لا امدح زمان اول ولا اذمه
الا اني اضحك على سابق تناهيتـي
يـا مقبلـه ليـه خليتينـي اليمـه
يا حلوها لو بدل ما اقبلتـي اقفيتـي
ياما تمنيتـي العشـق يحكـي فمـه
حتى حكى العشق فوق اللي تمنيتـي
عمر نثرتيه رحـت انسـاك والمـه
الى تذكـرت اذكـر عمـر تشتيتـي
انتي ووقتي وحظـي مالكـم ذمـه
ياما علـى ونتـي غنـوا وغنيتـي
وااجرحي اللي نفذ صبر وانا اضمـه
كيف اتناسى صوابي لـو تناسيتـي
ما أنتي بذيك اللي الشوق اهدرت دمه
وأنا اللي اظن بين ضلوعهـا بيتـي
يا ليتني قبل اكـذب راعـي النمـه
سويت في طفلنا اللي فيـه سويتـي
أنا الوفا بين اخوه وبين ابـن عمـه
وانتي الجفا وين ما رحتي وحليتـي
يمكن نخيتي الزمان وشـح باللمـه
أو شفتي الصـدق زودهـا ومليتـي
كذاب لو قلت قلبـي راح مـا همـه
وألفين كذاب لو مـا قلـت حبيتـي
ياللي تركتي الهوى غرقان في دمه
جيتي غريبه ورحتي مثل ما جيتـي
