تدري المصيبه!! غربة الروح للـروح
ولا ّ اغتـراب اجســـــــــــادنـا لايهـمـك
لاقامت الحـدب المحـــــانـي لهـا نـوح
واتعـــــــــس غرابيـل الليالـي يخـمـك
واللي تحســــه بـس يستاهـل البـوح
مقفـي يتّّـل خطـــــــــــاه ماهـو بيـمـك
لاصحت له ياهوه والصـوت مبحـوح
رد بزعل: وش فيـك يـا ثقـل دمــــــك
ماكنـه الا ّ يـردع الجــــــرح بجـروح
طاغي يذوب لصوت حزنك ,,وهمـك
احيان كنّـه ياخـذ الوضــــع بمـزوح
يضـــحك عليـك اليـا تجرعـت سمـك
واحيان كنّه من عنـا الشـوق مذبـوح
يعنـي تحـس شــــــوي,, ولا ّ يظمـك
دلـوع متعـــــــــود الــى زل مـدمـوح
رابي على يفداك .... 00يادمعة امـك
في شرع من رباه والطيـش مسمـوح
عــــــــــادي تحمّـل غلطتـه لـو يذمـك
هــــذاك هـو اللـي لـه القلـب مفتـوح
وســـــفينتـة ترسـي علـى بـوح يمـك
ودامه طوا بك نـازح البعـد بنـزوح
وســـــــــراب قـاع الصـد عنّـه يزمـك
والجرح صار لنايد الخلـق مفضـوح
ودمعك نزل من موق عينك>> لكمّـك
وانهار في وسط الحشا عرش وصروح
ثمْ بعثرك غاليك مـن هــــــــــــــو يلمـك
من له تصـــيح دلال صبرك عن الفوح
ان غصــــــــة الكلمـه علـى بـوح فمـك
هذي مصـــيبة غربـة الـروح يالـروح
ولا الجســـــــــد لاغـاب يرجـع يظمـك